“Google” şirkəti icazəsiz şəxsi imformasiya toplamaq və ABŞ Federal Kommunikasiya Komissiyasının istintaqına mane olmaq ittihamıyla 25 min dollar miqdarında cərimə edilib.

big.Az-ın “Guardian”-a istinadən verdiyi xəbərə görə, şirkət məlumatları 2007-2010 tarixləri arasında “Google Küçə Görünüşü” xidmətində istifadə etmək üçün ABŞ və Avropanın ictimai yerlərində toplayıb.

İctimai yerlərdən əlavə, şirkət həmçinin qorunmasız “wi-fi” şəbəkələrindən də icazəsiz şəxsi məlumatlar götürüb.

2010-cu ildə ortaya çıxan “Google”-un icazəsiz məlumat toplaması faktı kəskin etirazlarla üzləşib.

Qabaqcıl avtomatlaşdırılmış sistemləri ilə tanınmış “Boston Dynamics” şirkəti “Sand Flea” modelinin videosunu dərc edib. Bu layihə üzərində artıq bir neçə ildir ki iş aparılır. Kiçik ölçülü avtonom maşının 10 metr hündürlüyə tullanmaq qabiliyyəti onun fərqləndirici xüsusiyyətidir.
“Sand Flea” layihəsi üzərində işə “Precision Urban Hopper” modelindən başlanılıb. Məlumat üçün bildirim ki, “Precision Urban Hopper” modeli “Boston Dynamics” şirkətinin “Sandia” milli laboratoriyası ilə sıx əməkdaşlığı çərçivəsində yaradılıb.
Təqdim edilmiş robot nümunəsi 4 təkərli motorlaşdırılmış platformadan ibarətdir. Maşın rəfedilməz maneəyə yaxınlaşdıqda yerində dayanır, sonra arxadakı təkərlər üstə qalxır və maneəni keçmək üçün hündürlüyə tullanır. Pnevmatik porşen sayəsində robot təxminən 10 metr hündürlüyə tullana bilir.
Porşen enerji mənbəyi kimi sıxılmış karbon qazı ilə doldurulmuş balonlardan istifadə edir. 1 balon 25 tullanmaya bəs edir. Robot dağlıq ərazilərdə, məsələn Əfqanıstanda kəşfiyyat məqsədlərində istifadə edilmək üçün nəzərdə tutulub.